Rotary debating begin goed

Hoërskool Jan van Riebeeck het die nuwe Rotary Debating-seisoen op ‘n groot noot afgeskop. Nie net het ons junior span vir Bishops geklop nie, maar Louis Jordaan is aangewys as beste junior spreker en Theodore Pauw stap weg as beste senior spreker van die dag. Baie geluk!

28377491_780123728851675_1795190499243667670_n

Ses van ons leerders het vir RSG Kompas se jeugprogram ‘n onderhoud gevoer wat handel oor loopbaankeuses, skool en die onderwysstelsel. Die program is om op Woensdae 28 Februarie om 19:30 uitgesaai.
Die leerders betrokke is Laris Gomez (Gr. 12), Pippa Bester (Gr.11), Juliana Sieberhagen (Gr. 11), Kayla Otto (Gr.10), Misha Kapot (Gr. 9) en Liam Stevens (Gr.9).

Junior Stadsraad

27972078_778247205705994_1925713122712421327_n

Dylan Keyser gr 10 en Lané Beyer gr 11 (beide ook op ons VRL) het laasweek gehoor dat hulle twee verkies is tot die Junior Stadsraad vir die Stad Kaapstad vir die volgende twee jaar se ampstermyn. Baie geluk!

DSC_3267

Gerhard Joubert, ‘n gr 11-leerder by Jan van Riebeeck, het onlangs gehoor dat hy een van slegs nege jong pianiste landwyd is wat gekeur is om aan die Hennie Joubert-klavierkompetisie deel te neem. Die kompetisie word beskou as die uitdagendste in Suid-Afrika vir pianiste onder die ouderdom van 19. Vir die keuringsrondte moes Gerhard ‘n CD-opname met vier verskillende stukke maak en instuur. Die kompetisie vind plaas van 12-16 Maart in Stellenbosch en val saam met die Internasionale Klaviersimposium daar. Gerhard het verlede jaar verskeie pryse en toekennings gekry by die Stellenbosch Eisteddfod en die Kaapse Afrikaanse Eisteddfod, twee graad 7 – eksamens met lof geslaag en ook die tweede prys in die Pieter Kooij-kompetisie verower. Hy het ook baie musiek gemaak saam met mede-leerders in Jan van Riebeeck se musiekdepartement! Hy neem les by juf Ruthette du Toit en het ook onlangs klasse begin neem by die pianis Francois du Toit.

 

Nog ‘n onderskeiding vir Emile

GRAAD 12_R, DE WET, EMILE_ Export Port(1)

Emile de Wet, een van 2017 se toppresteerders, het na ‘n regstelling van ‘n departementele fout, nog ‘n onderskeiding bygekry. Volgens die skool se nuuste berekeninge styg sy gemiddeld na 88,2% en beklee hy dus die 3de klasposisie vir 2017. Hy einding op met 7 onderskeidings, wat beteken dat ons skool met 6 leerders spog wat dié uitsonderlike prestasie kon behaal. Baie geluk, Emile!