Gemeenskapsbetrokkenheid
Jan van Riebeeck strewe ‘n kultuur van medemenslikheid na sodat ‘n gees van samehorigheid, hoop en entoesiastiese belewenis in gemeenskappe en die breër Suid-Afrika kan posvat.
Die deelname aan die ATKV Handevat projek mobiliseer hierdie uitkyk tot gemeenskapsbetrokkenheid.
Die skool vat hande met Weber Gedenk Laerskool in Jamestown waarin gepoog word om geheelskool ontwikkeling toe te pas deurdat die leerders verbeterings bring op die terreine van sport, kultuur, akademie, infrastruktuur en sosiaal-maatskaplike ontwikkeling in Jamestown.
Groot welslae is reeds bereik in 2011 deurdat gedragspatrone begin verander het, ouers in die Weber-vallei vir die eerste keer betrokke begin raak het tot die skool, hoopvolle drome gedroom word en wesenlike verskille aangebring is.
